భారత ప్రభుత్వ రైల్వే మంత్రిత్వ శాఖకు చెందిన డెడికేటెడ్‌ ప్రైట్ కారిడార్‌ కార్పొరేషన్‌ ఆఫ్‌ ఇండియా లిమిటెడ్‌ వివిధ విభాగాల్లో ఖాళీగా ఉన్న 1074 ఉద్యోగాల
భర్తీకి నోటిఫికేషన్ విడుదల చేసింది. వీటిలో జూనియర్‌మేనేజర్‌, ఎగ్జిక్యూటీవ్‌ లు, జూనియర్‌ ఎగ్జిక్యూటీవ్‌ తదితరపోస్టులను ఈ నోటిఫికేషన్ ద్వారా భర్తీ చేయనున్నారు.
ఈ ఉద్యోగాలకు ఎంపికైన వారు సివిల్‌, ఆపరేషన్స్‌, మెకానికల్‌,ఎలక్ట్రికల్‌, సిగ్నల్‌ అండ్‌ టెలి కమ్యూనికేషన్‌ తదితర విభాగాల్లో పని చేయాల్సి ఉంటుంది.
1. జూనియర్‌ మేనేజర్‌: సివిల్‌ ఇంజనీరింగ్‌, మెకానికల్‌
ఇంజనీరింగ్‌, ప్రాడక్షన్‌, ఆటోమొబైల్‌, కంట్రోల్‌ మాన్యుఫాక్చర్‌
ఇంజినీరింగ్‌ లో బ్యాచిలర్‌ డిగ్రీ చేసిన వారు ఈ ఉద్యోగాలకు
అర్హులు. ఈ ఉద్యోగాలకు ఎంపికైన వారికి నెలకు రూ. 50వేల నుంచి రూ.1.60 లక్షల వరకు వేతనం ఉంటుంది. ఇక అభ్యర్థుల వయస్సు 18 నుంచి 27 ఏళ్లు ఉండాలి.
2. ఎగ్జిక్యూటివ్‌: సివిల్‌ ఇంజనీరింగ్‌, ఎలక్ట్రానిక్స్‌, ఎలక్ట్రికల్‌,పవర్‌ సప్టయ్‌/అప్లయిడ్‌ ఎలక్ట్రానిక్స్‌, డిజిటల్‌ ఎలక్ట్రానిక్స్‌తదితర విభాగాల్లో డిప్లామో చేసిన వారు ఈ ఉద్యోగాలకుఅర్హులు. ఈ ఉద్యోగాలకు ఎంపికైన వారికి నెలకు రూ.30 వేలనుంచి రూ. 1.20 లక్షల వరకు వేతనం ఉంటుంది. ఇక అభ్యర్థుల వయస్సు 18 నుంచి 30 ఏళ్లు ఉండాలి.
3.జూనియర్‌ ఎగ్జిక్యూటివ్‌: 10th, ఐటీఐ విద్యార్హత కలిగిన వారు ఈ ఉద్యోగాలకు అప్లయ్‌ చేసుకోవచ్చు. ఈ పోస్టులకు ఎంపికైన వారికి వేతనం రూ. 25 వేల నుంచి రూ. 68 వేల వరకు చెల్లించనున్నారు. అభ్యర్థుల వయస్సు 18 నుంచి 3౦ఏళ్లు ఉండాలి.
ఎంపిక విధానం: కంప్యూటర్‌ ఆధారిత పరీక్ష, సర్టిఫికెట్‌ వెరిఫికేషన్‌/ఇంటర్వ్యూ
దరఖాస్తు విధానం: ఆన్‌లైన్‌
దరఖాస్తులకు చివరితేది: జులై 23, 2021
కంప్యూటర్‌ బేస్ట్‌ ఎగ్జామ్‌ తేది: 2021- సెస్టెంబర్‌ లేదా
అక్టోబర్‌లో జరగనుంది.
వెబ్‌సైట్‌ :https://dfccil.com/